ဆေးလိပ်သောက်တာက သင့်ရဲ့နေ့စဉ်ဘဝထဲမှာ အလေ့အထတစ်ခုလို ဖြစ်နေပြီလား။ ဆေးလိပ်ဖြတ်ဖို့ဆိုတာ လွယ်ကူတဲ့အရာတော့ မဟုတ်ပေမဲ့ ကျန်းမာရေးအတွက် အကောင်းဆုံးဆုံးဖြတ်ချက်တွေထဲက တစ်ခု ဖြစ်ပါတယ်။

ဘာကြောင့် ဆေးလိပ်ဖြတ်သင့်တာလဲ?

အဆုတ်ကျန်းမာရေးအတွက်

ဆေးလိပ်သောက်ခြင်းက အဆုတ်နဲ့ အသက်ရှူလမ်းကြောင်းကို ထိခိုက်စေနိုင်ပါတယ်။ ဆေးလိပ်ဖြတ်ခြင်းက  အဆုတ်နဲ့ အသက်ရှူလမ်းကြောင်းကို ဆက်လက်မထိခိုက်စေတော့ပဲ အဆုတ်ကျန်းမာရေးကို အထောက်အကူဖြစ်စေမှာပါ။

နှလုံးကျန်းမာရေးအတွက်

ဆေးလိပ်သောက်ခြင်းက နှလုံးနဲ့ သွေးကြောဆိုင်ရာ ပြဿနာတွေ ဖြစ်နိုင်ခြေကိုများစေပြီး၊ ဆေးလိပ်ဖြတ်လိုက်ခြင်းက ဒီအန္တရာယ်တွေကို လျှော့ချပေးပြီး နှလုံးကျန်းမာရေးကို ကောင်းမွန်စေနိုင်ပါတယ်။

နေ့စဉ်ဘဝမှာ ပိုကောင်းလာစေဖို့အတွက် 

ဆေးလိပ်ဖြတ်ပြီးနောက် ခန္ဓာကိုယ်က တဖြည်းဖြည်း ပြန်လည်ကောင်းမွန်လာနိုင်ပါတယ်။ အချိန်ကြာလာတာနဲ့အမျှ အသက်ရှူရတာ၊ အရသာနဲ့ အနံ့ခံစားနိုင်မှုတွေ ပိုကောင်းလာနိုင်ပါတယ်။

ဒါဆိုရင် ဆေးလိပ်ကို ဘယ်လိုစဖြတ်ကြမလဲ?

•         ဆေးလိပ်ဖြတ်မယ့်ရက် သတ်မှတ်ပါ – ဆေးလိပ်စတင်ဖြတ်မယ့်နေ့ကို ရွေးချယ်ပါ။

•         ဆေးလိပ်နဲ့ မီးခြစ်တွေကို ဖယ်ရှားပါ – ဆေးလိပ်နဲ့ ဆေးလိပ်သောက်ဖို့ အသုံးပြုတဲ့ပစ္စည်းတွေကို ကိုယ့်အနားမရှိအောင်နေပါ။

•         ရေများများသောက်ပါ – ရေလုံလောက်စွာ သောက်ပြီး ကျန်းမာတဲ့ နေ့စဉ်အလေ့အထတွေ တည်ဆောက်ပါ။

•         ကိုယ်လက်လှုပ်ရှားမှုရှိပါစေ – လမ်းလျှောက်တာ ဒါမှမဟုတ် ပေါ့ပေါ့ပါးပါး လေ့ကျင့်ခန်းလုပ်တာတွေ ပြုလုပ်ပါ။

•         လိုအပ်ပါက မိသားစုနဲ့ သူငယ်ချင်းတွေဆီက အားပေးကူညီမှု ရယူပါ။

•         ကျန်းမာရေးပညာရှင်နဲ့ တိုင်ပင်ပါ – လိုအပ်ရင် ဆေးလိပ်ဖြတ်နိုင်ဖို့ နည်းလမ်းကောင်းတွေကို ကျန်းမာရေးစောင့်ရှောက်သူနဲ့ တိုင်ပင်ပါ။

ဒီနေ့ကစပြီး စတင်လိုက်ပါ

ဆေးလိပ်ဖြတ်ဖို့ဆိုတာ ခက်ခဲနိုင်ပြီး အချိန်လည်းယူရနိုင်ပါတယ်။ ပထမဆုံးကြိုးစားမှုမှာ မအောင်မြင်ခဲ့ရင်လည်း စိတ်မပျက်ပါနဲ့။ ပြန်လည်ကြိုးစားနိုင်ပါတယ်။ ရှောင်နိုင်လိုက်တဲ့ ဆေးလိပ်တစ်လိပ်တိုင်းက ပိုကျန်းမာတဲ့ဘဝဆီကို ခြေလှမ်းတစ်လှမ်းပါ။

ဒီနေ့ကစလို့ ကိုယ့်ကျန်းမာရေးကို ဂရုစိုက်ပြီး ဆေးလိပ်ကင်းစင်တဲ့ အနာဂတ်တစ်ခုကို စတင်လိုက်ရအောင်။